الصورة ديه رغم انها مجرد رسمة بس انا حسيتها في ناس كتير..
في ناس فعلا بالمنظر ده..طبيعتهم انهم بدون ملامح لكن بسهولة جدا بيركبوا القناع المناسب للموقف اللى حواليهم علشان يعرفوا يمشو في الدنيا او بمعنى تانى يوهموا اللى حواليهم انهم بملامح طبيعية.
ساعات بينجحوا في كده وديه بتبقي مهارة في التمثيل..وساعات تانية بيفشلوا وبيظهروا بدون ملامح تانى! وديه مشكله في حد ذاتها مش صغيرة بالنسبة ليهم شخصيا لانهم ممكن فعلا يكونوا بيتعبوا علشان يظهروا للى حواليهم كده وفي الاخر بيملو ويتعبوا ويسقط فعلا القناع ..وبالنسبة كمان للناس اللى حواليهم لو فعلا اتخدعوا فيهم بتبقي مشكلة لانهم مش هيقدروا يحددوا الشخصية ديه سماتها ايه واستحالة التفاهم معاهم
بس لازم الانسان يواجه فعلا النوعيات ديه في الدنيا علشان يعرف بعد كده يفرق بين الناس اللى بملامح فعلا والناس اللى بترسم ملامحها
وربنا يكفينا شرهم
4 komente:
تتساقط الاقنعه مهما طال الزمن ومهما قصر الحق بيبان بس لو طهرنا قلوبنا ربنا هيبنلنا ومن ادني جهد او الم
وعن تجربه...
ممم ... في حد بيداري ملمح وشه الحقيقيه بس
مفيش حد ملوش ملامح
الناس اللي نيتها صافيه وقلبها ابيض
بتتكشف قدامها الاقنعه مع الوقت
مهما كان اللي غير ملامحه محترف
شموع الليل..ربنا يكرمك على ردك ومرورك..وانا عندى يقين كامل ان الحق في النهاية بيبان ..شرفنى وجودك
فوكيرة ...هو طبعا كل الناس ليها ملامح..بس ده كان مجرد تعبير مجازى عن الناس اللى بتدارى تحت القناع وبيدارو ملامحهم الحقيقية...وفعلا زى ما انتى قلتى ان الناس اللى نيتها صافية هما اللى بيبان قدامهم الحقيقة..وربنا يكفينا جميعا شرهم..شرفنى وجودك هنا ياجوسي:)
Posto një koment